*चालू घडामोडी (30 जून 2016)*

🌞 *चालू घडामोडी (30 जून 2016)*🌞
VInupawar.blogspot.com
🔴 *केंद्रीय मंत्रिमंडळातर्फे नाइटलाइफला मंजूरी* :

✳दुकाने, मॉल तसेच चित्रपटगृहे आता बाराही महिने चोवीस तास सुरू ठेवण्यास परवानगी देण्यात आली आहे. या बाबतच्या सुधारित कायद्यास केंद्रीय मंत्रिमंडळाने (दि.29) मंजुरी दिली.
 
✳तसेच या निणर्यानुसार उत्पादन प्रकल्प वगळता आता जेथे दहा किंवा त्यापेक्षा जास्त कर्मचारी आहेत, अशी दुकाने किंवा मॉलना वर्षभर ती कधीही सुरू व बंद करण्याचे स्वातंत्र्य देण्यात आले आहे.
 
✳या ठिकाणी महिला कमर्चाऱ्यांनाही रात्रपाळीत काम करण्यास परवानगी देण्यात आलेली आहे.
 
✳मात्र त्यांच्यासाठी पुरेशी सुरक्षा पुरविण्याचे बंधन आहे. त्याचप्रमाणे कामाच्या ठिकाणी सर्व कर्मचाऱ्यांसाठी पिण्याचे पाणी, कॅंटीन, प्राथमिक उपचार सुविधा, स्वच्छतागृहे अशा प्राथमिक सुविधा उपलब्ध करून देणे बंधनकारक असणार आहे.

✳ 'मॉडेल शॉप्स अँड एस्टॅब्लिशमेंट विधेयक 2016'ला मंत्रिमंडळाने मान्यता दिली आहे.

🔴 *देशात महाराष्ट्र सर्वात ‘श्रीमंत’ राज्य* :

☢औद्योगिकदृष्ट्या देशात कायमच अग्रेसर असलेले महाराष्ट्र राज्य देशातील सर्वात ‘श्रीमंत’ राज्य असल्याची माहिती भारतीय रिझर्व्ह बँकेने नुकत्याच प्रसिद्ध केलेल्या ‘हँडबुक ऑफ स्टॅटिस्टिक्स ऑन इंडियन स्टेटस्’ या अहवालाद्वारे पुढे आली आहे.

☢ 2014-15 या वर्षात महाराष्ट्राच्या राज्यातंर्गत उत्पन्नाने नऊ लाख 50 हजार कोटी रुपयांचा विक्रमी टप्पा गाठल्याचे या अहवालात नमूद केले असून, 2013-14 च्या तुलनेत ही वाढ 5.7 टक्के अधिक आहे.
 
☢भारतीय रिझर्व्ह बँकेने प्रसिद्ध केलेल्या या अहवालाच्या माध्यमातून विविध राज्यांतील प्रगतीची आणि तेथील आर्थिकबाबींची रंजक माहिती पुढे आली आहे.
 
☢तसेच यानुसार, देशातील अर्थकारणात महाराष्ट्र हा देशातील सर्वच राज्यांपेक्षा पुढे राहिल्याचे दिसून आले आहे.
 
☢राज्यांतर्गत उत्पादनाच्या वाढीमध्ये तामिळनाडू राज्य देशात दुसऱ्या क्रमांकावर आहे तर पाच लाख कोटी रुपयांच्या उत्पन्नासह उत्तर प्रदेश तिसऱ्या क्रमांकाचे राज्य ठरले आहे.

☢विशेष म्हणजे, तामिळनाडू राज्य श्रीमंतीच्या बाबतीत देशात दुसऱ्या क्रमांकावर असले तरी त्या राज्याचे उत्पन्न आणि खर्च यातील फारकत स्पष्ट करणाऱ्या राज्याच्या वित्तीय तुटीचे प्रमाणही देशात सर्वाधिक आहे.

🔴 *संसदचे पावसाळी अधिवेशन 18 जुलैपासून* :

🔯संसदेचे पावसाळी अधिवेशन 18 जुलै ते 12 ऑगस्ट या दरम्यान होणार आहे.
 
🔯तसेच या अधिवेशनात वस्तू आणि सेवा विधेयक (जीएसटी) विधेयक मंजुरीला सरकारचे सर्वोच्च प्रधान्य आहे.
 
🔯मात्र, सर्वसहमतीने विधेयक संमत व्हावे, अशी इच्छा असून सर्व राज्यांनी 'जीएसटी'साठी दिलेला पाठिंबाही विरोधकांनी लक्षात घ्यावा, असे सरकारने विरोधी पक्षांना विशेषतः कॉंग्रेसला बजावले आहे.

🔯 'एनएसजी', पंतप्रधानांचे परदेश दौरे यावर सरकारने स्वतःहून निवेदन सादर करण्याचीही तयारी दर्शविली आहे.
 
🔯संसद अधिवेशन बोलावण्याबाबत केंद्रीय मंत्रिमंडळाच्या संसदीय कामकाज विषयक समितीची (सीसीपीए) (दि.29) बैठक होऊन त्यात पावसाळी 18 जुलै ते 12 ऑगस्ट या कालावधीत अधिवेशन बोलावण्याची राष्ट्रपतींना शिफारस करण्याचे ठरले.

🔴 *राष्ट्रीय सिनियर अ‍ॅथलेटिक्स स्पर्धेत स्वातीला रौप्य* :

🏵महाराष्ट्राची स्वाती गाढवेने 56 व्या राष्ट्रीय सिनियर अ‍ॅथलेटिक्स स्पर्धेत महिलांच्या 10 हजार मीटर धावण्याच्या शर्यतीत रौप्य पदक जिंकले.
 
🏵तसेच दुसरीकडे याच प्रकारात संजीवनी जाधवला कांस्यपदकावर समाधान मानावे लागले.
 
🏵श्रद्धा घुलेने लांब उडीत कांस्यपदक जिंकले. दिल्लीच्या बी. सौम्या हिने 20 किमी चालण्याच्या स्पर्धेत (दि.29) सुवर्णपदक जिंकले.

🏵 सौम्या हिने कारकिर्दीतील आपली सर्वोत्तम कामगिरी करताना 1 तास 42 मि. 55.24 सेकंद वेळ नोंदविताना शानदार सुवर्णपदक जिंकले.

🔴 *महामार्गाच्या चौपदरीकरणाला केंद्र सरकारची मंजुरी* :

☸महाराष्ट्रातील औरंगाबाद ते तेलवाडीदरम्यानच्या महामार्गाच्या चौपदरीकरणाला केंद्र सरकारने मंजुरी दिली आहे.
 
☸अर्थमंत्री अरुण जेटली यांनी पत्रकार परिषदेत या निर्णयाची माहिती दिली.
 
☸केंद्रीय मंत्रिमंडळाच्या आर्थिक व्यवहारविषयक समितीने (सीसीईए) पंजाब, ओडिशा आणि महाराष्ट्रातील राष्ट्रीय महामार्ग चौपदरीकरणाच्या तीन प्रस्तावांना मंजुरी दिली.
 
☸तसेच यामध्ये महाराष्ट्रातील औरंगाबाद-तेलवाडी दरम्यानच्या (महामार्ग क्रमांक 211) 87 किलोमीटर पट्ट्याचे चौपदरीकरण केले जाणार आहे.
 
☸या नंतर पंजाबमधील फगवाडा-रूपनगरदरम्यान 80.82 किलोमीटर महामार्गाचे आणि ओडिशामध्ये अंगुल-संबलपूरदरम्यानच्या महामार्गाचे चौपदरीकरण केले जाईल.

🔴 *खनिज शोधासाठी नवे राष्ट्रीय उत्खनन धोरण* :

✴भूगर्भात असलेल्या विविध प्रकारच्या खनिजसाठ्यांचा शोध घेण्यासाठी प्राथमिक स्वरूपाचे उत्खनन करण्यासंबंधीच्या नव्या ‘नॅशनल मिनरल एक्प्लोरेशन पॉलिसी’ला केंद्रीय मंत्रिमंडळाने (दि.29) मंजुरी दिली.
 
✴तसेच यामुळे जेथे मोठे खनिजसाठे मिळू शकतात अशा सुमारे 100 संभाव्य खाणपट्ट्यांचा लिलाव करण्याचा मार्ग मोकळा होईल.
 
✴या धोरणानुसार भारतीय भूगर्भ सर्वेक्षण संस्था, मिनरल एक्प्लोरेशन कॉर्पोरेशन यासारख्या सरकारी कंपन्यांखेरीज खासगी उद्योगांनाही या क्षेत्रात प्रवेश देऊन देशातील खाण उद्योगाला चालना देण्याची सरकारची योजना आहे.
 
✴जेथे खनिजे मिळू शकतात असे देशातील जेवढे क्षेत्र भूगर्भ सर्वेक्षण संस्थेने अंदाजित केले आहे त्यापैकी जेमतेम 10 टक्के क्षेत्रात खनिजांचा शोध घेतला गेला आहे व त्यापैकी जेमतेम दीड-दोन टक्के क्षेत्रात सध्या खाणकाम सुरु आहे.
VInupawar.blogspot.com

        🌅 *दिनविशेष* 🌅

💢 *1758 : डॉमस्टाटलची लढाई*.
 
💢 *1805 : मिशिगनला अमेरिकेचा प्रांत म्हणून मान्यता*.
 
*1905 : अल्बर्ट आईनस्टाईन यांनी त्यांचा क्रांतिकारक सापेक्षतेचा सिद्धांत मांडला*.
 
💢 *1936 : गॉन विथ द विंड ही कादंबरी प्रकाशित*.
VInupawar.blogspot.com
🔴🔴🔴🔴🔴🔵🔴🔴🔴🔴🔴