चालु घडामोडी

*Vinupawar.blogspot.com*

चालू घडामोडी (20 जून 2016)

RBI गव्हर्नरपदासाठी सात नावे चर्चेत :

रघुराम राजन रिझर्व्ह बँकेच्या गव्हर्नरपदाची दुसरी टर्म भूषवणार नसल्याचे स्पष्ट झाल्यानंतर त्यांच्याजागी कोण येणार याची आता चर्चा सुरु झाली आहे. 

आरबीआयच्या गर्व्हनरपदासाठी एकूण सात उमेदवारांची नावे चर्चेत आहेत. 

विजय केळकर, राकेश मोहन, अशोक लाहिरी, उर्जित पटेल, अरुंधती भट्टाचार्य, सुबीर गोकर्ण आणि अशोक चावला या सात नावांचा आरबीआयच्या गर्व्हनरपदासाठी विचार होत आहे.

उर्जित पटेल सध्या आरबीआयचे उप गर्व्हनर म्हणून जबाबदारी संभाळत आहेत तसेच अरुंधती भट्टाचार्य  देशातील सर्वात मोठी बँक असलेल्या स्टेट बँक ऑफ इंडियाच्या प्रमुख आहेत.

*भारतीय हवाईदलाच्या इतिहासातील 'माईलस्टोन' :*

भारतीय हवाई दलात (दि.18) इतिहास घडला. सर्वच क्षेत्रांमध्ये आघाडी घेणाऱ्या सावित्रीच्या लेकींनी इतिहास घडवित लढाऊ विमानांच्या कॉकपीटमध्ये प्रवेश केला. 

*अवनी चतुर्वेदी,* *भावना कंठ* आणि *मोहना सिंह*या तीन रणरागिणींनी लढाऊ विमानांच्या पहिल्या महिला वैमानिक होण्याचा मान मिळवला आहे. 

विशेष म्हणजे या तिन्ही महिला वैमानिकांकडे आणीबाणीच्या स्थितीमध्येही विमानाची सूत्रे सोपविण्यात येतील.

तसेच या तिघींचे यश हे भारतीय हवाईदलाच्या इतिहासातील'माईलस्टोन' असल्याचे गौरवोद्‌गार संरक्षणमंत्री मनोहर पर्रीकर यांनी काढले.

'एअरफोर्स अकादमी'च्या दीक्षान्त संचलनप्रसंगी बोलताना पर्रीकरयांनी लष्करातील लिंगसमानतेचा जोरदार पुरस्कार केला.

*आयसीसीकडून वन-डे क्रिकेटसाठी नवीन लीगची योजना :*

वन-डे क्रिकेटकडे प्रेक्षक पाठ फिरवत असल्याच्या पार्श्वभूमीवरआंतरराष्ट्रीय क्रिकेट परिषदेने (आयसीसी) 50 षटकांच्या फॉर्मेटमध्ये काही बदल करण्याची तयारी केली आहे. 

आयसीसीने जगातील 13 संघांच्या साथीने नव्या लीगचे आयोजनकरण्याची योजना आखली आहे.

सूत्रांनी दिलेल्या माहितीनुसार आयसीसी जगातील अव्वल 13संघांच्या साथीने वन-डे लीगच्या आयोजनाची योजना आखत आहे. 

2019 पासून या नव्या लीगचा वन-डे क्रिकेटमध्ये प्रयोग होण्याची शक्यता आहे. 

तसेच या नव्या नियमानुसार वन-डेतील 13 संघ आपसांमध्ये तीन सामन्यांची मालिका खेळतील.

चित्रपट महामंडळाची घटनादुरुस्ती :

अखिल भारतीय मराठी चित्रपट महामंडळाच्या सुवर्णमहोत्सवी वर्षानिमित्त घटनेमध्ये सदस्यत्व नोंदणी, नूतनीकणापासून निवडणूक प्रक्रियेपर्यंतचे अनेक बदल करण्याची गरज संचालक मंडळाच्या बैठकीत व्यक्त करण्यात आली. 

महामंडळाची घटना 1970 मध्ये तयार करण्यात आली होती. 

घटनादुरुस्तीच्या माध्यमातून जास्तीत जास्त लोकांना सामावून घेण्याचा महामंडळाचा प्रयत्न आहे. 
त्यासाठी घटना समिती नेमण्यात आली असून समितीची पहिली बैठकदि. 21 जून रोजी होणार आहे. 

ऑगस्टमध्ये होणाऱ्या सर्वसाधारण सभेत घटनादुरुस्तीला मंजुरी मिळणार आहे. 

सप्टेंबर महिन्यापासून घटनादुरुस्ती लागू करण्यात येईल, अशी माहिती अध्यक्ष मेघराजे राजेभोसले यांनी पत्रकार परिषदेत दिली.

*एनएसजी पाठिंब्यासाठी जयशंकर यांचा चीन दौरा :*

अणवस्त्र तंत्रज्ञानावर नियंत्रण करणा-या एनएसजी देशांच्या संघटनेत भारताच्या समावेशाला चीनने पाठिंबा द्यावा यासाठी परराष्ट्र सचिवएस. जयशंकर तीन दिवसांपूर्वी चीनला जाऊन आले.चीनने विरोधाची भूमिका सोडून भारताला पाठिंबा द्यावा यासाठी त्यांनी चीनी अधिक-यांचे मन वळवण्याचा प्रयत्न केला. 

दक्षिण कोरिया सेऊल येथे एनएसजी देशांची बैठक होणार आहे. या बैठकीत भारताच्या प्रवेशावर अंतिम निर्णय होणार आहे. 

तसेच बैठकीपूर्वी भारत सरकार एनएसजी समूहातील सर्व देशांचे एकमत घडवून आणण्यासाठी पडद्यामागून जोरदार कुटनितीक प्रयत्न करत आहे.

48 देशांच्या एनएसजी समूहामध्ये भारताच्या प्रवेशाला चीनने विरोध केला आहे. 

भारताचा समावेश करणार असाल तर, पाकिस्तानलाही स्थान द्या अशी भूमिका चीनने घेतली आहे. 

16-17 जून रोजी व्दिपक्षीय चर्चेसाठी परराष्ट्र सचिव चीनमध्ये होते अशी माहिती परराष्ट्र मंत्रालयाचे प्रवक्ते विकास स्वरुप यांनी दिली आहे.

*दिनविशेष :*

आर्जेन्टिना ध्वज दिन.

1921 : पुणे येथे टिळक महाराष्ट्र विद्यापिठाची स्थापना

Vinupawar.blogspot.com