वाचता वाचता

वाचता वाचता:-
-----------------------------------------------------------------------

• सर्वांसाठी घरे‘ या महत्त्वाकांक्षी कार्यक्रमांतर्गत केंद्र शासनाने सुरू केलेल्या प्रधानमंत्री आवास योजनेच्या अंमलबजावणीला राज्यात प्रोत्साहन देण्यासाठी विविध सवलती देण्यात येणार आहेत. योजनेंतर्गत गृह प्रकल्पांना विकास, मोजणी, मुद्रांक, तसेच नोंदणी शुल्कात सवलती, तसेच गृह प्रकल्पांना नाममात्र दरात जमीन उपलब्ध करून देण्याचा निर्णय झालेल्या मंत्री परिषदेत घेण्यात आला.

• राज्यातील उच्च व तंत्र शिक्षण क्षेत्रात कार्यरत अध्यापकीय कर्मचाऱ्यांच्या सेवानिवृत्तीचे वय 62 वर्षे करण्याबाबत 2011-12 दरम्यान घेण्यात आलेल्या निर्णयांचा पुनर्विचार करून त्यांच्या सेवानिवृत्तीचे वय आता 60 वर्षे करण्याचा निर्णय मंत्रिपरिषदेच्या बैठकीत घेण्यात आला, तसेच प्राचार्यांच्या सेवानिवृत्तीचे वय सरसकट 65 वर्षे करण्याचा निर्णयही घेण्यात आला

• भारतीय प्रशासकीय सेवेतील "आयएएस‘ व "आयपीएस‘ अधिकाऱ्यांना आता परदेशातील नियुक्तीवर सलग सात वर्षे सेवा करता येणार आहे. सध्या हा कालावधी पाच वर्षांचा आहे

• चीनमध्ये बनविण्यात आलेल्या पहिल्या जेट विमानाने चेंगडू ते शांघाय असे व्यावसायिक उड्डाण करत आपली पहिलीवहिली हवाई सफर यशस्वीपणे पूर्ण केली. "21 व्या शतकातील एशियन रिजनल जेट‘ म्हणून या विमानाचे नाव "एआरजे21-700‘ असे ठेवण्यात आले आहे. एआरजे21 या प्रकल्पाची सुरवात 2002 मध्ये करण्यात आली होती, यातील पहिले विमान 2007 पर्यंत तयार होणे अपेक्षित होते;

• मंत्री, मंत्रालये आणि प्रकल्प किंवा योजना मूल्यमापन-मंजुरी समित्यांच्या योजनाबाह्य खर्चविषयक आर्थिक मर्यादांमध्ये वाढ करण्याचा निर्णय केंद्र सरकारने केला
.
• वाहनांच्या सुट्या भागांचे उत्पादन करणाऱ्या तकाटा कॉर्पोरेशनचे मुख्य कार्यकारी अधिकारी शिगेहिसा तकादा यांनी पायउतार होण्याचा निर्णय घेतला

• तृतीयपंथीयांचा विवाह इस्लाम कायद्याने वैध असल्याचा फतवा पाकिस्तानातील पंजाबची राजधानी लाहोरजवळील 50पेक्षा अधिक मुस्लिम धर्मगुरूंनी काढला

* देशातील 145 गावांचे दीनदयाळ उपाध्याय ग्रामज्योती योजनेच्या माध्यमातून विद्युतीकरण करण्याचा निर्णय केंद्र सरकारने घेतला

• 'तेजस' या स्वदेशी बनावटीच्या हलक्याा लढाऊ विमानांचे पहिले स्क्वाड्रन ता. 1जुलै २०१६ पासून भारतीय हवाईदलात दाखल होत आहे.  प्रत्यक्ष सीमेवर ते पुढील वर्षी तैनात करण्यात येणार आहे. "तेजस‘ हे विमान पाकिस्तानच्या "जेएफ 17‘ या लढाऊ विमानांपेक्षा सरस आहे.

* देशातील काळा पैसाधारकांना पंतप्रधान नरेंद्र मोदींनी ""30 सप्टेंबरपर्यंत अघोषित संपत्ती जाहीर करा अन्यथा नंतर त्रास सहन करा,'' असा निर्वाणीचा इशारा दिला

• अमेरिकेशी संरक्षण सहकार्य करार केलेल्या देशांपैकी केवळ भारतालाच लवकरच अमेरिकेच्या अत्याधुनिक संरक्षण तंत्रज्ञानापैकी 99 टक्के तंत्रज्ञानाचा वापर करता येणार आहे. अमेरिकेने भारताला "महत्त्वाचा संरक्षण सहकारी‘ म्हणून जाहीर केल्यामुळे भारताला हा फायदा होणार आहे.

* प्रबोधनात्मक कार्यक्रम राबवूनही राज्यातील अनेक जिल्ह्यांमध्ये स्त्री जन्माचे प्रमाण घटत चालल्याचे स्पष्ट झाले आहे. त्यामुळे राज्यातील आणखी सहा जिल्ह्यांमध्ये केंद्र शासनपुरस्कृत बेटी बचाओ-बेटी बढाओ अभियान राबविण्याचा निर्णय राज्य सरकारने घेतला आहे. त्यामध्ये सोलापूर, हिंगोली, पुणे, परभणी, नाशिक व लातूरचा या जिल्ह्यांचा समावेश आहे.
• जिल्हा हजार मुलांमागे मुलींचे प्रमाण
हिंगोली 882
सोलापूर 883
पुणे 883
परभणी 884
नाशिक 890
लातूर 889